Statuts PDF

Artichel 2  dals statüts

Mera

  • La mera da la società es da promover e rinforzar professiunalmaing il savair cultural da l’Engiadina Bassa e da las regiuns vaschinas in special sül chomp da l’art, architectura, archeologia, da l’istorgia, da la fotografia, dal film, da la literatura, da la lingua, da la musica, da l’istorgia natürala etc.
  • Quist böt voul ella ragiundscher seguaintamaing:

a)  realisar üna rait d’infuormaziun cun agüd da persunas indigenas ed externas sco eir tras instituziuns

b)  ramassar, preparar e registrar il material d’archiv e da documentaziun da tuot gener

c) sgürar bains culturals da valur tras contrats

d) pisserar per las localitats adattadas per las archivalias

e) dar infuormaziuns a bocca ed in scrit ad interessats

f)  publichar texts d’infuormaziun e publicaziuns sco eir prestar lavur publica a bön da   l’organisaziun

g)  per ragiundscher il böt po la società ingaschar persunas cumpetentas

h)  la società es politicamaing e confessiunalmaing neutrala.